قصر العذاب للشاعر المصري محمد الجمال

أبيات جديده من كلمات الشاعر المصري : محمد الجمال

بعنوان : قصر العذاب

قصر العذاب

ويا القمر سهران..... اشكيله حالى

بقوله انا حيران.....  والدمع غالى

حيران ليالي كتير.....  والجرح فيا كبير

والقسوه مالهاش غير.....  قلبي وروحى وعنيا

اهرب واروح على فين .....  قصر العذاب حصين

قولولى السكه منين ..... مش شايفاها عنيا

مش شايف غيراهاتى ..... وسنين جرح فى حياتى

حتى دمعى وسكاتى.....  بيكون مكتوب عليا

بيكون نصيب مكتوب.....  والقلب ماله ذنوب

اضحك وانا المغلوب.....  والدمع مالى عنيا

ويا القمر سهران..... اشكيله حالى

بقوله انا حيران.....  والدمع غالى

ياسنين كفايه عذاب.....  قلبي من الحزن داب

وخلاص مفيش كتاب.....  فاضي لدمعه عنيا

كتاب مليان جراح.....  وكتاب عمرى اللى راح

حتى كتاب السماح.....  اصبح مليان اسيه

نصيبي وهاعمل ايه.....  ماقدرش اغير فيه

دالزمن كاتبه بايديه.....  وحكم بيه عليا

ويا القمر سهران..... اشكيله حالى

بقوله انا حيران.....  والدمع غالى